LP 02.12.2009 - Puso (o Hugis Puso)

Naku, araw ng mga puso nanaman. At talagang akmang-akma naman ang tema ng LP para sa linggong ito. :D

Hep hep hep, parang di pangkaraniwan puso ang lahok ko, dahil ako'y "loveless" ngayon at puro pag-aaral ang pinagtutuunan ko ng pansin. (haha, talaga lang. ;P)

Kuha mula sa tabi ng parking lot sa aming unebersidad.

Ito ay litrato ng clover o Trifolium sp. (di ko lang sigurado kung anong species ito). Bilang isang mag-aaral ng kursong haynayan (ito raw ang tagalog ng biology ayon sa aking mga matatalinong kamag-aral), minsan ko na ring napag-aralan itong clover. Ito'y una kong nakilala ng masinsinan sa aming taxonomy of higher plants at botany classes.

Sa ibang dako naman, maraming nagsasabing ika'y sswertehin kapag nakahanap ka ng clover na may apat na dahon. Mula sa scientific name nito na Trifolium (tri=tatlo; folium=dahon) ang karaniwang bilang ng mga dahon nito ay tatlo. Kaya naman sswertehin ka kapag nakahanap ka ng pambihirang clover na may apat na dahon.

Makahanap kaya ako ng clover na may apat na dahon para naman swertehin ako sa sabado? Hahaha.

Gusto ko lang ipamahagi sa inyo ang aking kinahihiligang love quote ngayon: 3 words, 8 letters, say it and I'm yours -Blair Waldorf, Gossip Girl. O diba? Parang ganyan ang sinasabi ng tatlong pusong dahon ng clover. Ang labo no? :D

Para sa ibang mga lahok, pumunta sa

LP 02.05.2009 - Tsokolate

Isa sa mga pinakamagandang lugar sa ating bansa ang TSOKOLATE hills sa Bohol. Talaga namang nabighani ako nang makita ko ang mga maliliit na burol na ito noong 2005. Mayroon kasi kaming convention sa aming organisasyon noon at nagkaroon kami ng isang araw na day trip patungong Bohol. Inakyat namin ang pinakamataas na burol upang mas makita ang ganda ng Chocolate Hills. Hindi ko na maalala kung kulay tsokolate nga ang mga burol nung mga panhon na iyon pero medyo luntian sila sa litrato. (Summer ako nagpunta, di ba't dapat brown sila?)

Pumunta rin kami sa Loboc River para sa tanyag nitong river lunch cruise, sa isang lumang-lumang simabahan na di ko na maalala kung ano ang pangalan, sa isang monumentong nagpapakita ng Sanduguan. Pinakapaborito ko sa mga pinuntahan namin ay ang dalampasigan ng Panglao dahil sa tahimik nitong kapaligiran at sa napakaputing buhangin. Para bang ako'y nasa Boracay lang din menos lang ang maiingay na mga club. :D

Napakaganda talaga ng ating bansa. Kaya naman kung ako'y may panahon (at anda!) talaga namang gusto kong libutin ang 7,107 isla nito. :D

****

Noong nakaraang linggo, habang nag-iisip ako ng lahok para sa LP, naisip kong kunan ng litrato ang chocolate fountain ng aking kaibigan ngunit hindi na ako nabigyan ng pagkakataon (ang tanging booking lang nya noong nakaraang linggo ay sa tagaytay)

Kaya eto, kinuha ko na lang ito mula sa kanyang Multiply Account. Kung meron kayong mga events, kumuha na kayo ng chocolate fountain sa kanya (Aba, at nagplug pa. LOL)

eto ang kanyang multiply
eto ang kanyang website

Para sa ibang mga lahok, pumunta sa

LP 01.29.2009 - Lila

Sa katunayan, nahirapan ako sa paghahanap ng lahok para sa linggong ito. Di ko naman kasi gaanong hilig ang kulay na ito kaya't di ko masyadong napapansin. Nakaisip na ako ng lahok (100 pisong bill na may logo ng UP Centennial dahil ako ay isang proud na iskolar ng bayan) at nakakuha na rin ako nito, di ko pa lang nakunan ng litrato. Ngayon, di ko na mahanap ang isang daang piso ko. Haha.

Eto na po ang aking lahok:

Asan ang lila ba kamo? Ayun, sa gitna ng hinaing Kulawo. Ang bulaklak na ito ay ginamit ito bilang garnish. Alam mo ba kung anong bulaklak ito? *wink wink* hahahaha.

Ang Kulawo kinilaw na puso ng saging o di kaya'y talong (sa pagkakataong ito, parehong ginamit ang talong at puso ng saging) na sinamahan ng gata (ang niyog ay tinusta muna bago nilagyan ng suka at piniga). At kung kayo'y naiintriga, ang salad na nakikita niyo sa likuran ay gawa naman sa pako (o fern).

Kuha ko po ito nang kami'y bumisita sa bahay ni Ugu Bigyan sa Tiaong, Quezon. Isa ito sa mga lugar na aming binisita nang kami'y mag-Viaje Del Sol. Eto ang bahay ni Ugu:

Pwede rin pala itong lahok para sa Kahel. hehe.

PS
Alam niyo bang purple ang color of the year? hehe.

Para sa ibang mga lahok, pumunta sa

LP 01.22.2009 - Kahel

Ang isnaberang pusa. Bow.

Hirap na hirap akong kunan ng litrato ang pusang ito sapagkat lumalayo siya tuwing ihaharap ko ang aking kamera sa kanya. 'Di naman siya lumalayo pag nilalapitan ko siya at hinahawakan, sa katunayan, malambing pa nga siyang dumidikit sa aking binti wag lang niyang makita ang kamera ko. Mga ilang minuto rin kaming naghahabulan para lang makunan ko siya ng litrato. At sa lahat ng aking nakuha, ito ang aking napili dahil tila ba nang-iisnab siya dito at sinasabing: No photos please. (Di siya tulog niyan, napapikit lang. haha)

Para sa ibang mga lahok, pumunta sa

LP 01.15.2009: Asul

Isa sa mga pinakapaborito kong kunan ng litrato ay ang mga ulap (na kulay puti naman at hindi asul, haha). Gandang-ganda talaga ako sa mga ulap na tila mga bulak na palipad-lipad sa kalangitan. Kadalasan, pagmakikita kong maganda at maaliwalas ang langit, kukunin ko kaagad ang aking kamera at kukunan ko ito ng litrato. Ang kuhang ito ay mula sa loob ng eroplano nang kami'y papauwi mula Taiwan.

Para sa ibang mga lahok, pumunta sa

LP 01.08.2009: Pula

Maligayang bati mga kaLP! Heto ang aking ikalawang lahok para ako'y maging ganap na kasapi ng Litratong Pinoy! :D

Kahit tapos na ang pasko, tila mararamdaman mo pa rin ang diwa nito sa lamig ng simoy ng hangin dulot ng pabugso-bugsong ambon dito sa Maynila. Mas naramdaman ko ito nuong Lunes ng umaga nang ako'y gumisng para sorpresahin ang aking kaibigan sa kanyang kaarawan. Talaga namang nangangatog ako habang naliligo dahil sa lamig. Kami'y pumunta ng Eastwood City sa Libis upang kumain sa Somethin' Fishy. Pagkatapos ng aming almusal, kami'y naglakadlakad at nagliwaliw, sapagkat pangalawang beses ko palang makarating sa lugar na iyon. Tamang-tama naman at may nakita kaming punong may naiwang dekorasyon ng nakaraang pasko.

Nakikita niyo ba ako sa Pulang Christmas Ball? :D Nandyan din ang isa pang bagong sali sa LP na si Arlene. At dahil natuwa ako sa editing function ng aking kamera, mula sa orihinal na litrato, heto ang mga kinalabasan:

Fisheye effect daw ito. Erm, san banda? Parang naka-zoom lang e.

Surround in monochrome naman.

Blur the Periphery.

Radial blur. Napaka-futuristic ng dating!

At Nostalgic effect. Para naman makaluma ito.

At dyan po nagtatapos ang aking lahok para sa linggong ito. Maligayang Huwebes sa inyong lahat!

Para sa mga ibang lahok, pumunta sa

LP 01.01.2009: Freestyle

Maligayang bagong taon sa inyong lahat! Dahil sa Freestyle ang tema ng Litratong Pinoy ngayong linggo, naisipan kong ito ang ilahok. hehe.

Unang araw ng isang panibagong taon, sana nama'y mas madali ito kaysa sa nakaraang taon.

Unang lahok ko ito sa Litratong Pinoy, sana naman mapanindigan ko. Ahahaha. Muli, Happy New Year!

Para sa mga ibang lahok, pumunta sa